Хабар

Русия бо маҳсулоти ширии Белоруссия ҷанг эълон кард

PDFПечать

молокоНашрияи “Комерсант” менависад, ки Русия талош дорад, қарори байнадавлатиашро Бо Белорус, ки дар доираи созмони иқтисодии Авру Осиё бо Белоруссия баста шудааст, бекор намояд. Ин қарор Маскавро вазифадор менамояд, воридоти ҳама гуна маҳсулоте, ки дар кишварҳои узви созмони иқтисодии Авру Осиё истеҳсол мешавад бемамониат ба қаламраваш роҳ диҳад. Росселхознадзор айни ҳол воридоти маҳсулоти шириро аз Белоруссия ба Русия маҳдуд кардааст. Ин сохтори руссӣ сабаб пеш овардааст аст, ки мақомоти дахлдори Белоруссия ба маҳсулоти пастсифат низ сертификати сифат медиҳанд.

 

Таҳлил ва баррасии муҳимтарин мавзуҳои рўз

PDFПечать

1393517717033582592 o Таҳлил ва баррасии омил ва заминаҳои  сар задани кудато дар Судон .
Муассиси Wikileaks Ҷулиан Ассанҷ рӯзи 11 апрел аз ҷониби полиси Британия боздошт шуд.
Охирин ахбор аз ҷараёни корҳои сохтмонӣ ва омодагии муҳандисону коргарон барои роҳандозии агрегати дуввуми неругоҳи Роғун.
Нигаронии коршиносони соҳаи синамо аз рушди нокофии синамои тоҷик.  Андешаи Диловар Султонӣ  филмноманавис ва коргардони синамо дар мавриди роҳҳои эҳё ва рушди синамои тоҷик.
Баҳси корбарони шабакаи Фейсбук дар мавзўи “истифодаи сарфакоронаи буҷаи хонавода”.  Таҳлил ва баррасии ин мавзуҳо дар радиомаҷаллаи “Бозтоб” аз  Радиои Тоҷикистон.

 

Ҷулиан Ассанж боздошт шуд

PDFПечать

АсанчҶулиан Ассанж, муассиси Wikileaks имрӯз, 11 апрел аз ҷониби полиси Британия аз сафорати Эквадор маҷбуран берун кашида шуда, ҳабс гардид.
Расонаҳои маҳаллии Британия раванди берункунии Ассанжро аз сафорати Эквадор ба навор гирифтаанд, ки бо ришу мӯйи дамида бо пулис муқобилият дорад.
Полис гуфтааст, ки Ассандж баъди он ҳабс шуд, ки ҳукумати Эквадор ҳақи паноҳандагии Ассанжро бозпас гирифт ва сафир иҷоза дод, ки ба дохили сафоратхона ворид шаванд. Ассанж аз августи соли 2012 аз тарси ин ки боздошт ва ба Шветсия истирдод мешавад, дар дохили сафорати Эквадор зиндагӣ мекард.
Шветсия истирдоди Ассанжро талаб карда гуфтааст, ки ин мард барои озори ҷинсӣ ва иттиҳоми таҷовуз ба номуси ду зан дар соли 2010 гумонбар мешавад.
Ассанж, шаҳрванди Австралия, инчунин метавонад барои нашри тахминан 500 ҳазор санади махфии низомӣ ва дипломатӣ дар робита бо низоъҳои мусаллаҳона дар Афғонистон ва Ироқ дар соли 2012 муҳокима шавад.

 
 

Муҳлати хурӯҷи Британия аз Иттиҳоди Аврупо тамдид шуд

PDFПечать

 АнгелаКишварҳои узви Иттиҳоди Аврупо барои тамдиди нави муҳлати хурӯҷи Британия аз ин иттиҳод мувофиқат карданд. Акнун Британия то 31 октябри соли ҷорӣ фурсат дорад, назари аксарияти намояндагони парлумонро бораи созишномаи Брекзит ба даст орад. Дар нишасти раҳбарон ва сарони 27 кишвари узви Иттиҳоди Аврупо 10 апрел дар Брюссел дар робита бо тамдиди мӯҳлати Брекзит мувофиқат шуд.
Гуфта мешавад, ки омили аслии тамдиди мӯҳлати Брекзит, интихоботи пешорӯйи парлумонии Аврупо аст. Ин интихобот рӯзҳои 23 то 26 моҳи май баргузор мешавад. Тамдиди муҳлати Брекзитт ба маънои ширкати Британия дар ин интихобот аст.

Дар робита ба мухолифатҳои ба миёномада дар  Иттиҳоди Аврупо Фахриддини Холбек, ба Радиои Тоҷикистон чунин гуфт:

 

 

Ифтитоҳи киштии рамзӣ - Тарабхонаи “Темурмалик” дар шаҳри Хуҷанд

PDFПечать

 2019-04-02kishtiДар доираи сафари корӣ дар вилояти Суғд Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Хуҷанд киштии рамзӣ-тарабхонаи “Темурмалик”-ро мавриди баҳрабардорӣ қарор доданд.

Тарабхона аз ду ошёна ва тахҳона иборат буда, дар соҳили дарёи Сир ва шафати Боғи Камоли Хуҷандӣ сохта шудааст, ки ҷойи хеле хуби сайру саёҳати сокинону меҳмонони шаҳри Хуҷанд мебошад.

Дар таҳхонаи он қаҳвахона бо 100 ҷой, дар ошёнаи якум тарабхона бо 200 ҷойи нишаст ва дар ошёнаи сеюм майдончаи тобистона сохта шудааст.

Масоҳати умумии тарабхона 631 метри мураббаъро ташкил медиҳад. Дар вақти сохтмон 150 нафар сокинони маҳаллӣ ва баъди мавриди баҳрабардорӣ қарор гирифтан 50 кас соҳиби кори доимӣ ва маоши хуб шуданд.

Тарабхона аз ҷониби соҳибкори ватанӣ- роҳбари Ҷамъияти дорои масъулияти маҳдуди “Абдурашид” Абдурасул Раҷабов сохта шуда, ба хотири гиромидошти фарзанди фарзонаи миллат номи қаҳрамони халқи тоҷик Темурмаликро гирифтааст.

Тарҳи тарабхона намуди киштиро дошта, лоиҳаи меъмории он аз тарафи ширкати “Суғдшаҳрофар” омода шудааст.

Акнун сокинону меҳмонони шаҳри Хуҷанд метавонанд аз шароиту имкониятҳои тарабхонаи нав дар соҳили дарёи Сир барои фароғати хеш истифода баранд.

Сарвари давлат муҳтарам Эмомалӣ Раҳмон баъди шиносоӣ бо шароити кору хизматрасонӣ дар тарабхонаи ғайриодӣ ба соҳибкорон барои дастгирии сиёсати созандаи Ҳукумати Ҷумҳурии Тоҷикистон изҳори сипос карда, онҳоро барои идомаи тадбирҳои созанда баҳри шукуфоии сарзамини аҷдодӣ ҳидоят намуданд.

 
 

Саҳифаи 6 аз 101

Back to Top