Хабар

Мулоқоти Пешвои миллат бо Раиси Ҷумҳурии Мардумии чин

27853701105 3c0aa9fd35 k23 июн Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи иштирок дар ҷаласаи Шӯрои сарони давлатҳои аъзои Созмони ҳамкории Шанхай бо Раиси Ҷумҳурии Мардумии Чин Си Ҷинпин мулоқот кард.

Дар ҷараёни вохӯрӣ маҷмуъи васеи масоили ҳамкории Тоҷикистону Чин дар сатҳи дуҷониба ва ҳам дар чаҳорчӯби Созмони ҳамкории Шанхай баррасӣ гардид.

Аз сатҳи рушду густариши ҳамкорӣ, ки бо талошҳои муштарак ба даст меоянд, изҳори қаноат карда, Президенти Ҷумҳурии Тоҷикистон Эмомалӣ Раҳмон таъкид дошт, ки таҳкими муносибатҳои стратегию шарикӣ бо Ҷумҳурии Мардумии Чин аз самтҳои афзалиятноки сиёсати хориҷии давлати мо боқӣ хоҳад монд.

Ҷонибҳо рушди бемайлони ҳамкории гуногунҷанбаро дар бахшҳои сиёсӣ, иқтисодӣ, ҳарбӣ — техникӣ ва гуманитарӣ омили муҳими таъмини сулҳу субот дар минтақа арзёбӣ карданд.

Дар ҷараёни мулоқот масъалаҳои таҳкиму густариши робитаҳо дар бахшҳои иқтисодӣ, энергетика, ҷалби сармоя барои пешрафти иқтисодиёти Тоҷикистон, фаъолияти корхонаҳои муштарак, ҳамкорӣ дар бахши кишоварзӣ ба хотири содироти ҳарчи бештари маҳсулоти кишоварзӣ ба Чин ва дигар соҳаҳои барои ҳар ду ҷониб судманд баррасӣ карда шуд.

Зимни вохӯрӣ таъкид гардид, ки гардиши мол байни кишварҳо дар семоҳаи аввали соли 2016 беш аз 200 миллион долларро ташкил дод ва изҳори умед карда шуд, ки бо талошҳои якҷоя мумкин аст, ин нишондод то соли 2020 то ба 3 миллиард доллар расонда шавад.

Дарёфти роҳҳои маблағгузории сохтмону таҷдиди шоҳроҳи Душанбе — Кулоб — Хоруғ — Кулма – Қошғар, маблағгузории лоиҳаҳои нави бунёди хатҳои нави интиқоли барқ ва дигар тарҳҳои дорои аҳамияти минтақавӣ аз мавзуъҳои муҳими мулоқоти дуҷониба буд.

Дар вохӯрӣ ҳамчунин масъалаҳои муборизаи муштарак бо таҳдиди хатарҳои замони муосир ва дарёфти роҳҳои ҳалли муноқишаҳои сиёсӣ дар кишварҳои ҷангзада баррасӣ карда шуд.

 

Ҷаҳонгир Ҷалилов ҳунарнамоиашро дар футбол хотима дод

a-ongir -alilov24.06.2016 Чемпиони чоркаратаи Тоҷикистон дар ҳайати дастаи «Истиқлол»-и Душанбе муҳофизатгар Ҷаҳонгир Ҷалилов ба қароре омадааст, ки ҳунарнамоииашро дар майдонҳои футбол ба анҷом расонад.
Тавре сомонаи клуб иттилоъ медиҳад, Ҷаҳонгир дар бозии охирини худ дар ҳайати «Истиқлол» 26 июн дар вохӯрии дӯстона бо КФ «Локомотив»-и Маскав ба майдон меояд ва карйераи худро ҳамчун футболбоз бо ин бозӣ ба анҷом мерасонад. Ӯ гуфтааст: «Баъди ҳунарнамоии дуру дароз дар футбол бо сабабҳои вазъи саломатӣ ман бозии футболро як сӯ мегузорам ва ба ҳамаи мухлисону мураббиён ва ҳамдастаҳоям изҳори миннатдорӣ мекунам, ки бо ҳам будем».
Ёдовар мешавем, ки Ҷаҳонгир Ҷалилов аз соли 2009 дар ҳайати дастаи «Истиқлол» ҳунарнамоӣ карда, унвондори чемпиони чоркаратаи Тоҷикистон, соҳиби Ҷоми президенти КФО ва финалисти Ҷоми КФО мебошад.

 

Мулоқоти Пешвои миллат бо Муҳаммад Ашраф Ғанӣ

23.06.2016 Дар доираи иштирок дар ҷаласаи Шӯрои сарони давлатҳои аъзои Созмони ҳамкории Шанхай дар шаҳри Тошканд Асосгузори сулҳу Ваҳдати миллӣ-Пешвои милллат, Президенти Ҷумҳурии Тоҷикистон муҳтарам Эмомалӣ Раҳмон бо Раисҷумҳури Ҷумҳурии Исломии Афғонистон Муҳаммад Ашраф Ғанӣ мулоқот карда, маҷмуъи васеи масоили ҳамкории Тоҷикистону Афғонистонро баррасӣ намуданд.

27243770073 5e963bc1b5 zДар оғози суҳбат Президенти мамлакат Эмомалӣ Раҳмон аз имкони дидору мулоқот изҳори хушнудӣ карда, таъкид дошт, “мо ҷонибдори тақвияти бештари низоми навини сиёсӣ ва таъмини субот ва амният дар Афғонистони бародар мебошем ва онро гарави амнияти пойдор дар Тоҷикистон ва кулли минтақа медонем”.

Ҷонибҳо аз густариши муносибатҳои дӯстонаву судманди бисёрҷониба, ки марҳила ба марҳила мазмуни амиқтарро касб менамоянд, изҳори қаноатмандӣ карданд.

Дар ҷараёни мулоқот таъкид гардид, ки барои татбиқи ҳадафҳои ба ҳар ду ҷониб судовар фаъолияти пурсамари Комиссияи муштараки ҳамкориҳои иқтисодӣ, тиҷоратӣ, техникӣ ва фарҳангӣ метавонад нақши муҳим дошта бошад.

Тақвияти ҳамкории муштарак вобаста ба хатару таҳдидҳои ҷаҳони муосир, аз қабили терроризму ифротгароӣ ва қочоқи маводи мухаддир, ки хусусияти умумиминтақавӣ ва ҳатто глобалӣ доранд, зарур шумурда шуд.

Дар охир изҳори умед карда шуд, ки ду кишвари ба ҳам ҳамсояву бародар бар асари талошҳои муштарак дар роҳи рушду такомули муносибатҳои дӯстӣ ба дастовардҳои назаррас ноил хоҳанд гашт.

 
 

Дар Душанбе ҷунбиши замин ба қайд гирифта шуд

 Zemletryasenie23 июн соати 16:35 дар қаламрави Тоҷикистон ҷунбиши замин ба қайд гирифта шуд.
Аз Хадамоти геофизикии Академияи илмҳои кишвар ба АМИТ «Ховар» иттилоъ доданд, ки маркази зилзила дар километри 275-уми қисмати ҷанубу шарқи Душанбе, дар ҳудуди Афғонистон воқеъ буд. Қувваи зилзила дар марказаш Афғонистон 4 балл ва дар Душанбе 2-3 баллро ташкил дод.

 

Мулоқоти Пешвои миллат бо Президенти Ҷумҳурии Узбекистон Ислом Каримов

23.06.2016. Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи иштирок дар ҳамоиши навбатии сарони давлатҳои аъзои Созмони ҳамкории Шанхай дар шаҳри Тошканд бо Президенти Ҷумҳурии Узбекистон Ислом Каримов мулоқот кард.

27752321742 8febeda4ea zДар ҷараёни мулоқот сарони давлатҳо ҳолат ва дурнамои муносибатҳои дуҷонибаро баррасӣ карда, оид ба дарёфти роҳҳои нави рушду густариши ҳамкорӣ дар бахшҳои гуногун табодули афкор намуданд.

Президенти Ҷумҳурии Тоҷикистон Эмомалӣ Раҳмон рушди манфиатбахши муносибатҳои дӯстию ҳамкории байни ҷумҳуриҳоро, ки аз қаъри асрҳо маншаъ мегиранд, дар сиёсати хориҷии Ҳукумати Тоҷикистон ҳамчун самти афзалиятнок арзёбӣ намуд.

Ҷонибҳо аз раванди таҳкими судовари робитаҳо, аз ҷумла болоравии ҳаҷми гардиши мол ва фаъолгардонии кори Комиссияи байниҳукуматӣ оид ба ҳамкории тиҷоратию иқтисодӣ изҳори қаноат карданд.

Дар мулоқот сарони давлатҳо инчунин мавзуъҳои мубрами минтақавию ҷаҳонӣ, аз ҷумла вазъи сиёсии Афғонистонро баррасӣ карда, ба таъмини амнияти минтақа ҳамчун шарти суботи иҷтимоию сиёсии Осиёи Марказӣ таваҷҷуҳи махсус зоҳир намуданд.

Дар охири вохӯрӣ Президенти Ҷумҳурии Тоҷикистони Эмомалӣ Раҳмон ба Сарвари Узбекистон барои истиқболи самимӣ изҳори сипос намуда, аз ӯ даъват ба амал овард, ки дар вақти мусоид ба Тоҷикистон ташриф орад.

 
 

Саҳифаи 6 аз 93

Back to Top