Дар шаҳри Душанбе намоиш-фурӯш либос ва лавозимоти мактабӣ оғоз гардид. Дар ин хусус АМИТ «Ховар» дар истинод ба Сарраёсати маорифи шаҳри Душанбе хабар додааст.
Намоиш— фурӯши либос ва лавозимоти мактабӣ дар асоси Қарори дахлдори Раиси шаҳри Душанбе оғоз гардида, дар он корхонаҳои саноатӣ ва соҳибкорони ватанӣ дар баробари либоси мактабӣ, пойафзолу ҷӯроб, ҳамчунин ашёи хониш ба фурӯш гузоштаанд. Либоси мактабӣ дар асоси талаботи Дастурамали либосҳои тавсияӣ барои хонандагони муассисаҳои таҳсилоти умумӣ, ки аз ҷониби Вазорати маориф ва илм таҳия шудааст дар корхонаҳои дӯзандагии мамлакат омода карда шудааст.
Ин тадбир имкон фароҳам меорад, то хонандагони муассисаҳои таҳсилоти миёнаи умумии ҳудуди пойтахт аз корхонаҳои саноатии шаҳри Душанбе либоси мактабӣ харид намоянд.