Дастаи мунтахаби занонаи Тоҷикистон дар шаҳри Дубай дар доираи машқҳои таълимӣ бозии дӯстона анҷом додааст.
Тавре ФФТ хабар медиҳад, рақиби бонувони мо мунтахаби занонаи Амороти Муттаҳидаи Араб буд. Бозӣ бо ҳисоби мусовии 0:0 ба анҷом расид.
Вохӯрии якуми дастаҳои занонаи Амороти Муттаҳидаи Араб ва Тоҷикистон, ки 1 март бояд баргузор мешуд, қаблан бекор гардида буд.