Акс аз Вазорати корҳои хориҷӣ
23-24 августи соли 2022 дар шаҳри Анқара машваратҳо байни вазоратҳои корҳои хориҷӣ оид ба ташхис ва такмили заминаи шартномавӣ-ҳуқуқии муносибатҳои Тоҷикистон ва Туркия баргузор гардидааст.
Тавре Вазорати корҳои хориҷии Ҷумҳурии Тоҷикистон хабар медиҳад, ҷонибҳо номгӯи ягонаи санадҳои байналмилалии дуҷониба ва дигар ҳуҷҷатҳоеро, ки дар баррасии якдигар қарор доранд, муҳокима карданд.
Ба иттилои манбаъ оид ба дурнамо ва тақвияти ҳамкориҳо миёни вазоратҳои корҳои хориҷӣ дар таҳияи шартномаҳои байналмилалии дуҷониба, дигар санадҳои ҳуқуқӣ ва самти маҳфуздорӣ мубодилаи афкор сурат гирифтааст.