Раиси вилояти Суғд Раҷаббой Аҳмадзода дар шаҳри Хуҷанд ба сохтмони бинои нави муассисаи таҳсилоти миёнаи умумии рақами 26 санги асос гузоштааст.
Тавре Хадамоти матбуоти Раиси шаҳри Хуҷанд хабар медиҳад, бинои нави таълимӣ дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон сохта шуда, барои таълиму тарбияи хонандагон шароити мусоид фароҳам оварда хоҳад шуд.
Бинои кунунии муассисаи таълимӣ дар асри 20 сохта шудааст ва бо назардошти зиёд шудани аҳолӣ зарурати бунёди бинои нав ба миён омадааст.