Дастаи мунтахаби занонаи Тоҷикистон бо тими миллии бонувони Арабистони Саудӣ ду бозии дӯстона анҷом медиҳад. Дар ин бора аз Федератсияи футболи Тоҷикистон хабар доданд.
Вохӯриҳо санаи 23-юм ва 26-уми феврал, дар доираи бозиҳои ФИФА-и моҳи феврал доир гардида, дар шаҳри Ҷидда сурат мегиранд.
Тавре манбаъ илова намудааст, ин дидорҳо барои тими мунтахаби занонаи Тоҷикистон марҳилаи омодагӣ ба мусобиқоти интихобии Ҷоми Осиё-2026, ки аз 23 июн то 5 июли соли ҷорӣ баргузор мешавад, ба ҳисоб меравад.
Рақибони тими занонаи Тоҷикистон дар марҳилаи интихобӣ, санаи 27 март зимни қуръакашӣ муайян хоҳад шуд.