Аз ҷониби Кумитаи рушди сайёҳӣ бо мақсади муаррифии иқтидори сайёҳии Тоҷикистон ва Мақомоти иҷроияи ҳокимияти давлатии Вилояти Мухтори Кӯҳистони Бадахшон 20 июли соли 2023 дар шаҳри Хоруғ кнференсияи илмӣ-амалӣ дар мавзуи “Рушди соҳаи сайёҳӣ дар Тоҷикистон: дастговард ва мушкилот (омӯзиши таҷрибаи ВМКБ)” баргузор мешавад.
Ба иттилои Кумитаи рушди сайёҳӣ бо мақсади муаррифии иқтидори сайёҳии Тоҷикистон дар кори Конференсия баррасии масъалаҳои зерин дар назар дошта шудааст:
– афзалиятҳои соҳаи сайёҳӣ дар Вилояти Мухтори Кӯҳистони Бадахшон;
– обҳои шифобахш-омили рушди сайёҳӣ дар Вилояти Мухтори Кӯҳистони Бадахшон;
– тақвияти нерӯи инсонӣ, таъминоти кадрӣ ва шуғли пурмаҳсул дар соҳаи сайёҳӣ дар Вилояти Мухтори Кӯҳистони Бадахшон;
– маконҳои таърихиву фарҳангӣ муаррифгари Вилояти Мухтори Кӯҳистони Бадахшон дар арсаи байналмилалӣ;
– роҳҳои рушди инфрасохтор дар Вилояти Мухтори Кӯҳистони Бадахшон;
– рушди сайёҳии кӯҳнавардӣ ва шикор дар Вилояти Мухтори Кӯҳистони Бадахшон;
– нақши ниҳодҳои ҷомеаи шаҳрвандӣ дар рушди соҳаи сайёҳии ВМКБ;
– роҳҳои баланд бардоштани сатҳи хизматрасонӣ дар Вилояти Мухтори Кӯҳистони Бадахшон.