Рӯзи 30-юми март дар пойтахти Тайланд шаҳри Бангкок маросими қуръакашии марҳилаи ниҳоии Ҷоми Осиё-2023 баргузор мегардад, ки рақибони дастаи мунтахаби наврасони Тоҷикистон (U-17) дар марҳилаи ниҳоии Ҷоми Осиё-2023 муайян мешавад.
Тими мунтахаби наврасони Тоҷикистон (U-17), ки бори чорум дар марҳилаи ниҳоии Ҷоми Осиё ширкат мекунад, дар сабади якум ҷой гирифт ва мутмаинан дар як гурӯҳ бо Тайланд, Ҷопон ва Кореяи Ҷанубӣ бозӣ намекунад.
Аз рӯи натиҷаи қуръакашӣ 4-гурӯҳ иборат аз 4-даста ташкил карда мешавад. Аз ҳар гурӯҳ ду даста ба даври 1/4 ниҳоӣ роҳ меёбад.
Марҳилаи ниҳоии Ҷоми Осиё-2023 байни дастаҳои наврасони то 17-сола аз 15-уми июн то 2-юми июл дар кишвари Тайланд баргузор мешавад.
Пас аз натиҷагирии Ҷоми Осиё-2023 миёни наврасон 4-дастаи беҳтарин ба Ҷоми ҷаҳон роҳхат мегирад. Ҷоми ҷаҳон аз 10-уми ноябр то 2-юми декабр дар Перу баргузор мешавад.
Таркиби сабадҳо барои қуръакашии даври ниҳоии Ҷоми Осиё-2023 миёни наврасони (U-17):
Сабади 1-ум: Тайланд, Ҷопон, Тоҷикистон, Кореяи Ҷанубӣ.
Сабади 2-юм: Австралия, Ҳиндустон, Эрон, Яман.
Сабади 3-юм: Малайзия, Ветнам, Афғонистон, Арабистони Саудӣ.
Сабади 4-ум: Чин, Ӯзбекистон, Қатар, Лаос.