Туҳфаи Пешвои миллат ба сокинони ноҳияҳои Рашт ва Нуробод

Намояндагони Вазорати фарҳанг, Дастгоҳи иҷроияи Президенти Ҷумҳурии Тоҷикистон ва Мақомоти иҷроияи ҳокимияти давлатӣ дар ноҳияҳои Рашт ва Нуробод китоби «Тоҷикон»–и Бобоҷон Ғафуров ба ҳар оилаи ноҳияҳои мазкур ҳамчун туҳфаи таърихӣ ва рамзию арзишманд тақдим  намуданд.

Ба иттилои  “Ховар” сокинони ноҳияҳои мазкур ин китобро ҳамчун  туҳфаи гаронарзиш, сарчашмаи донишу  хирад ва манбаи беназири худшиносӣ баҳри наслҳои имрӯзу фардо  қабул намуданд. “Зеро китоби «Тоҷикон» аз рӯзгори гузаштаи ниёгон барои насли имрӯз ҳикоят карда, роҳи ояндаро мунаввар месозад. Таърихи худро надониста, ояндаро бунёд кардан ғайриимкон аст. Таърихи инсоният гувоҳ аст, ки халқи тоҷик аз замони қадим чун мардуми созандаву бунёдкор маъруф аст ва ин анъанаи неку бостонии хешро идома дода истодааст. Китоби «Тоҷикон»-и мутафаккири барҷаста, Қаҳрамони Ҷумҳурии Тоҷикистон Бобоҷон Ғафуров намунаи бебаҳотарин ва безаволи таърихӣ буда, даҳсолаҳост, ки арзиши худро гум накардааст ва умри он ҷовидонӣ хоҳад буд”.

Хотирасон мешавем, ки дар асоси супориши Асосгузори сулҳу ваҳдати миллӣ–Пешвои миллат муҳтарам Эмомалӣ Раҳмон китоби «Тоҷикон»–и аллома Бобоҷон Ғафуров чоп гардида,  то ҷашни 30-солагии Истиқлоли  давлатӣ аз номи Сарвари давлат  ба ҳар оилаи мамлакат  тақдим карда мешавад.

Добавить комментарий

Ваш адрес email не будет опубликован. Обязательные поля помечены *