Ассотсиатсияи футболи Осиёи Марказӣ, ки Рустами Эмомалӣ президенти Федератсияи футболи Тоҷикистон роҳбари он аст, соли дуюм пайиҳам беҳтарин Ассотсиатсияи минтақавии сол дар Осиё эътироф гардид.
Рӯзи гузашта – 29 октябр, дар шаҳри Сеули Кореяи Ҷанубӣ маросими тантанавии ҷамъбасти соли Конфедератсияи футболи Осиё баргузор гардид, ки беҳтаринҳои футболи Осиё дар соли 2024 маълум гардида бо ҷоизаҳои махсус қадрдонӣ шуданд.
CAFA, ки соли 2015 таъсис ёфта, ҷавонтарин Ассотсиатсияи минтақавии Конфедератсияи футболи Осиё аст, беҳтарин Иттиҳодияи футболи минтақавӣ дар Осиё эълон гардид.
Ба як қатор беҳаринҳои дигар ҷоизаҳои махсус тақдим гардид. Саид Аҳмад Аббосӣ аз Эрон беҳтарин футзалбози соли 2024 дар Осиё эътироф гардид. Файзалӣ Сардоров бозигари мунтахаби футзали Тоҷикистон низ барои ин ҷоиза мубориза бурд, вале ӯ дуюм шуд.
Ҳамчунин:
– Аббосбек Файзуллоев аз Ӯзбекистон беҳтарин футболбози ҷавони сол;
– Че Ун Ён аз Кореяи Шимолӣ беҳтарин футболбозбонуи ҷавони сол;
– Сон Хин Мин футболбозӣ “Тотенҳэм” ва Кореяи Ҷанубӣ беҳтарин легионери сол миёни мардон;
– Элли Карпентер футболбозбонуи дастаи “Лион” ва мунтахаби Австралия беҳтарин легионери сол миёни бонувон;
– Пак Юн Ҷонг сармураббии Ҷумҳурии Кореяи Ҷанубӣ (U20) беҳтарин мураббии занон;
– Го Ойва сармураббии тими миллии Ҷопон беҳтарин мураббии сол;
– Кико Сейке аз Ҷопон беҳтарин футболбозбонуи сол;
– Акрам Афиф аз Қатар беҳтарин футболбози сол;
дар Осиё дониста шуданд.
Рустами Зоир
радио “Тоҷикистон”
Акс аз саҳифаи расмии КФО