Имрӯз муовини Раиси шаҳри Душанбе Абдураҳмонзода Абдураҳмон бо роҳбари Намояндагии корпоратсияи чинӣ оид ба сохтмони роҳ ва купрӯкҳо дар Ҷумҳурии Тоҷикистон Ли Чанвэй мулоқот намудааст.
Дар рафти мулоқот зарфиятҳо барои роҳандозии ҳамкориҳои дуҷонибаи Мақомоти иҷроияи ҳокимияти давлатии шаҳри Душанбе ва Намояндагии корпоратсияи чинӣ оид ба сохтмони роҳ ва купрӯкҳо дар Ҷумҳурии Тоҷикистон баррасӣ шуданд.
Ҳамчунин атрофи дигар мавзӯъҳои мавриди таваҷҷуҳи тарафайн табодули назар сурат гирифтааст.