25 октябри соли 2023 дар ҳошияи ҳамоиши навбатии Иттиҳоди Аврупо “Дарвозаи глобалӣ” мулоқоти вазири корҳои хориҷӣ Сироҷиддин Муҳриддин бо фиристодаи вежаи Иттиҳоди Аврупо оид ба Осиёи Марказӣ Тери Ҳакала баргузор гардид.
Зимни вохӯрӣ ҷонибҳо бо ишора ба нишасти баргузоршудаи вазирони корҳои хориҷии кишварҳои Осиёи Марказӣ ва Иттиҳоди Аврупо дар Люксембург, дурнамои ҳамкориҳо миёни Ҷумҳурии Тоҷикистон ва Иттиҳоди Аврупоро баррасӣ намуда, ҳавасмандии худро барои густариши робитаҳои мутақобилан судманд дар ҳошияи қолабҳо ва абзорҳои мавҷуда баён карданд.