Дар санаи 20-22 сентябри соли 2023 дар маҷлисгоҳи АМИТ ҷаласаи гурӯҳи кории намояндагони кишварҳои шомил ба ИДМ оид ба таъминоти меъёрию техникии лоиҳаҳои якҷоя амалишаванда дар соҳаи фаъолияти кайҳонӣ баргузор шуд.
Тавре хабар дода мешавад, дар ҷаласа ноиби президенти АМИТ, узви вобастаи АМИТ Г. Қоҳирова, директори генералии корпоратсияи “Роскосмос” Ю.И. Борисов, директори департаменти ҳамкориҳои иқтисодии Кумитаи иҷроияи ИДМ И.Т. Нематов, ҷонишини Вазири саноати вазнини Ҷумҳурии Арманистон А.В. Погосян, сардори Раёсати Академияи миллии илмҳои Белорус В.Г. Гусаков ва дигарон мушорикат ва маърӯза карданд.
Ба иттилои сомонаи расмии АМИТ дар ҷаласаи мазкур масъалаҳои зерин баррасӣ шуданд: интихоб намудани раиси Шурои байнидавлатӣ оид ба космос; татбиқи қарорҳои ҷаласаи савуми Шурои байнидавлатӣ; ҷиҳати баррасии лоиҳаи ҳамкориҳои байнидавлатии кишварҳои шомил ба ИДМ дар соҳаи пешниҳоду истифодаи маҳсулоти кайҳонӣ то давраи соли 2030; оид ба стандартикунонии фаъолият дар соҳаи зондикунонии Замин ва амсолашон.