Тими мунтахаби ҷавонони Тоҷикистон (U-20) қабл аз бозии аввали марҳилаи гурӯҳии қисми ниҳоии Ҷоми Осиё-2023, бо тими миллии ҷавонони Урдун омодагӣ мебинад.
Ҷавонони кишвар дар пойтахти Ӯзбекистон шаҳри Тошканд тамринҳоро доир карда истодаанд. Машқҳо дар майдони захиравии варзишгоҳи «Ҷар» баргузор шуда, 1-соату 30-дақиқа давом мекунанд. Зери роҳбарии Олег Кубарев 22-нафар ба тамрин машғуланд. Нимҳимоятгар Фатҳулло Олимзода аз рӯи барномаи инфиродӣ тамрин дорад.
Бояд қайд намоем, ки бозии даври аввали марҳилаи гурӯҳии Ҷоми Осиё-2023 миёни дастаҳои ҷавонони Тоҷикистон ва Урдун рӯзи 2-март дар варзишгоҳи «Локомотив»-и Тошканд баргузор мегардад.