Ҳамлагари тими мунтахаби олимпии Тоҷикистон Рустам Соиров фаъолияти футболбозиашро дар тими «Локомотив»-и Тошканд, ки аз мавсими нав дар Про-Лигаи Ӯзбекистон бозӣ мекунад, идома медиҳад.
Рустам Соиров аз бошгоҳи «Левадия»-и шаҳри Таллин ба дастаи «Локомотив» гузариш анҷом дод. Ӯ дар чемпионати Эстония 5-бозӣ анҷом додааст. Қаблан футболбоз дар бошгоҳҳои «Локомотив-Помир» ва «Истиқлол» -и Душанбе ҳунарнамоӣ кардааст.
Аз соли 2020 инҷониб Соиров дар тими мунтахаби кишвар бозӣ мекунад. Дар ин муддат Рустам дар ҳайати мунтахаби асосии кишвар 9-бозӣ анҷом додааст.