Рӯзи 3-юми ноябр дар қароргоҳи Конфедератсияи футболи Осиё дар шаҳри Куала-Лумпур, маросими қуръакашии даври аввали мусобиқаи интихобии Ҷоми Осиё-2024 байни дастаҳои духтаронаи то 17-сола баргузор гардид.
Дар натиҷа 29-даста ба 8-гурӯҳ тақсим карда шуд. Дастаи мунтахаби духтаронаи Тоҷикистон (U-17) дар гурӯҳи «Е» бо тимҳои Кореяи Ҷанубӣ, Ҳонконг ва Ироқ рақобат мекунад. Марҳилаи интихобӣ дар гурӯҳи мо аз 22 то 30 апрели соли оянда дар шаҳри Душанбе баргузор мешавад.
Ғолибони 8-гурӯҳи марҳилаи аввал ба даври дуюми мусобиқоти интихобии Ҷоми Осиё-2024 роҳхат мегиранд.
Натиҷаи қуръакашии даври аввали мусобиқаи интихобии Ҷоми Осиё-2024 миёни тимҳои духтаронаи U-17:
Гурӯҳи «А»: Тайланд (мизбон), Малайзия, Ҷазираҳои Марианаи Шимолӣ, Индонезия.
Гурӯҳи «В»: Австралия, Тайбейи Чин, Муғулистон (мизбон), Бутан.
Гурӯҳи «С»: Ветнам (мизбон), Ӯзбекистон, Фаластин, Баҳрайн.
Гурӯҳи «D»: Бангладеш, Сингапур (мизбон), АМА, Туркманистон.
Гурӯҳи «Е»: Кореяи Ҷанубӣ, Ҳонконг, Тоҷикистон (мизбон), Ироқ.
Гурӯҳи «F»: Мянмар, Ҳиндустон, Қирғизистон (мизбон).
Гурӯҳи «G»: Филиппин, Лубнон, Гуам (мизбон).
Гурӯҳи «Н»: Эрон, Урдун (мизбон), Непал.