Бозиҳои даври дуюми марҳилаи ниманиҳоии Суперлигаи Тоҷикистон 2022 оид ба футзал баргузор гардид. Дар натиҷа ду дастаи беҳтарини Суперлигаи Тоҷикистон 2022 – “Соро компания” ва “Истиқлол” дар рақобати ниҳоӣ барои ба даст овардани медали тилло мубориза мебаранд.
Дар рақобати даври 1/2 ниҳоӣ дастаи “Соро компания” бар тими “Сипар” дар ду бозӣ бо натиҷаи якхелаи 5:2 пирӯзӣ ба даст овард. Дар бозии дигари даври ниманиҳоӣ дастаи “Истиқлол”-и шаҳри Душанбе бар дастаи “Истаравшан” бо ҳисоби (11:2 ва 7:6) ғолиб гардид.
Акнун дар рақобати ниҳоӣ дастаҳои “Соро компания” ва “Истиқлол” ва барои ба даст овардани медалҳои биринҷӣ “Сипар” ва “Истаравшан” рақобат мекунанд.