Тими миллии футболи Тоҷикистон бори аввал дар таърих ба марҳилаи финалии Ҷоми Осиё роҳ ёфт. Дар ин бора аз Федератсияи футболи Тоҷикистон хабар доданд.
Сарфи назар аз натиҷаи бозии даври охирини марҳилаи интихобии Ҷоми Осиё-2023 мунтахаби Тоҷикистон ҳуқуқи иштирок дар марҳилаи ниҳоии Ҷоми Осиёро дорад.
Қарор аст, имрӯз 14-уми июн дар Бишкек тими миллии Тоҷикистон бо мунтахаби Қирғизистон вориди сабқат шаванд.
Қисмати ниҳоии мусобиқот аз 16 июн то 16 июли соли 2023 ба нақша гирифта шудааст.
Қарор дар бораи дар куҷо баргузор шудани 18-умин Ҷоми Осиё дар ҷаласаи Кумитаи иҷроияи Конфедератсияи футболи Осиё рӯзи 17 октябр қабул мешавад.