Қаҳрамони Тоҷикистон дастаи «Истиқлол»-и шаҳри Душанбе, ки рӯзи 8-уми апрел дар сабқати гурӯҳии Лигаи қаҳрамонҳои AFC-2022 ширкат мекунад, ба Арабистони Саудӣ сафар кард.
Дар ин бора бошгоҳи «Истиқлол»-и пойтахт дар саҳифаи расмиаш хабар дод.
Тибқи иттилои манбаъ, ҳайати футболбозони ин даста бо хатсайри Душанбе – Дубай – Риёз ба Арабистони Саудӣ расид.
Бояд гуфт, ки «Истиқлол» барои ширкат дар сабқати гурӯҳии бонуфузтарин мусобиқаи бошгоҳҳои Осиё, 20 бозигарро номнавис карда буд.
Сорбон Амонуллозода,
Радиои «Тоҷикистон»