12 октябри соли 2021 мулоқоти Сафири Ҷумҳурии Тоҷикистон дар Федератсияи Россия Давлатшоҳ Гулмаҳмадзода бо Сафири Корея дар Федератсияи Росссия Ли Сок Пэ баргузор гардид.
Дар рафти мулоқот ҷонибҳо масоили рушди ҳамкориҳоро миёни Тоҷикистон ва Кореяи Ҷанубӣ дар соҳаҳои иқтисоду сармоягузорӣ, сайёҳӣ ва маориф баррасӣ намуданд.
Ҳамчунин перомуни якчанд масъалаҳои муҳими рӯзномаи байналмилалӣ табодули афкор сурат гирифт.
Дар фарҷоми мулоқот сафирони Тоҷикистону Корея омодагии худро ҷиҳати таҳкими ҳамкориҳо миёни намояндагиҳои дипломатии ду кишвар дар Москва иброз намуданд.
Табодули афкор оиди рушди ҳамкориҳо дар мулоқоти сафирони Тоҷикистону Кореяи Ҷанубӣ
