Шоҳасари академик Бобоҷон Ғафуров – китоби «Тоҷикон»-ро ба сокинони ноҳияи Лахш туҳфа мекунанд.
Китоби мазкурро гурӯҳи кории Дастгоҳи иҷроияи Президенти Ҷумҳурии Тоҷикистон, кормандони мақомоти иҷроия ва раисони ҷамоатҳои шаҳраку деҳот аз номи Сарвари давлат ба ҳар оилаи ноҳия мерасонанд.
Ин иқдом дар асоси супориши Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати омӯзиши амиқи таърихи пурифтихори халқи тоҷик ва дар ин замина баланд бардоштани ҳисси худшиносии насли имрӯзу фардои миллат мебошад.