5 августи соли 2019 сарвазир Нарендра Моди бо роҳбарии ҳукумати Ҳиндустон моддаи 370 Конститутсияи Ҳиндустонро, ки барои иёлати Ҷамму ва Кашмир имтиёзҳои махсус додааст, бекор кард.
Тибқи моддаи 370, иёлати Ҷамму ва Кашмир дар байни 29 иёлоти Ҳиндустон мақоми махсус дошт ва ҳама қарорҳо/қонунҳои ҳукумати марказӣ, ба истиснои мудофиа, муносибатҳои беруна ва коммуникатсия, бояд аз ҷониби Ассамблеяи маҳаллии Ҷамму ва Кашмир тасдиқ карда шаванд. Бо лағви ин модда, ҳоло Кашмир ва Ладак ба қаламравҳои иттифоқӣ табдил ёфтанд, ки мақоми онҳо аз як давлат пасттар аст. Ин қарори Ҳукумати Ҳиндустон на танҳо дар байни сокинони Кашмир, балки дар байни мардуми Ҳиндустон ҳам норозигии калон ба амал овард, чуноне ки ходими сиёсии коммунистии Хиндустон Т. Рангараҷон, узви собиқи Раҷя Сабҳаи Ҳиндустон гуфт: «Ҳизби Бҳаратия Ҷаянта (BJP), ки таҳти роҳбарии Модӣ аст, ба Сарқонуни Ҳиндустон беэҳтиромӣ нишон дод. Бо ин кор шумо Фаластини дуюмро эҷод хоҳед кард». Барои пешгирии шӯриши мардумӣ нерӯҳои амниятии Ҳинд бисёре аз раҳбарони маъруфи Кашмирро, аз ҷумла сарвазирони собиқ Маҳбуба Муфтӣ ва Умар Абдуллоҳро боздошт карданд. Минбаъд даҳҳо ҳазор афсарони иловагии низомӣ сафарбар карда шуданд, соати комендантӣ ҷорӣ карда шуд, алоқаи мобилӣ маҳдуд ва хидматрасонии интернет қатъ карда шуд.
Ба иттилои хабаргузории Anadolu, то 25 январи соли 2020 алоқаи пастсуръати 2G дар аёлати Ҷамму ва Кашмир барқарор шуд ва 5 марти ҳамон сол манъи истифодаи шабакаҳои иҷтимоӣ лағв шуд. Баъдтар, 31 марти соли 2020 фармони Вазорати корҳои дохилии Ҳиндустон эътибор пайдо кард, ки дар он гуфта мешавад, ки «шаҳрвандони Ҳиндустон, ки дар Ҷамму ва Кашмир 15 сол зиндагӣ кардаанд, бояд ҳамчун аҳолии маҳаллӣ қабул карда шаванд».
Тибқи омори India Today, танҳо аз моҳи март то декабри соли 2020, беш аз 3,2 миллион шаҳрвандон аз минтақаҳои гуногуни Ҳиндустон дар иёлати Кашмир ҳуқуқи моликият ба даст овардаанд. Маълум аст, ки бо чунин нақшаҳои сиёсӣ мақомоти Ҳиндустон мехоҳанд аксарияти мусулмононро дар асоси таркиби демографии мавҷудаи Кашмир дар кишваре, ки аҳолии ҳиндуҳо аксариятро ташкил медиҳанд, тағйир диҳанд. Рӯзи 5 августи соли 2019 Ҷумҳурии Исломии Покистон бори аввал ин амалҳои якҷонибаи Ҳукумати Ҳиндро маҳкум карда, онҳоро «ғайриқонунӣ» ва «ихтисоснок» хонд ва аз он вақт инҷониб ҳамасола «Youm-e-Istehsal — Рӯзи истисмори мардуми Кашмир аз ҷониби Ҳиндустон» дар саросари ҷаҳон баргузор мешавад.