Дирӯз дар шаҳри Боку дар ҳошияи иштирок дар ҷаласаи 27-уми Шӯрои Вазирони корҳои хориҷии Созмони ҳамкории иқтисодӣ вохӯрии Вазири корҳои хориҷии Ҷумҳурии Тоҷикистон Сироҷиддин Муҳриддин бо Муовини вазири корҳои хориҷии Ҷумҳурии Исломии Эрон Меҳди Сафарӣ доир гардид. Дар ин хусус аз Вазорати мазкур ба радиои Тоҷикистон хабар доданд.
Бино ба иттилои манбаъ дар рафти мулоқот тарафҳо масъалаҳои мубрами рушди муносибатҳои дуҷониба ва бисёрҷонибаи Тоҷикистон ва Эронро дар бахшҳои сиёсӣ, тиҷоратӣ, иқтисодӣ, саноат, энергетика, фарҳангу сайёҳӣ ва ғайра баррасӣ карданд. Ҷонибҳо ҳамчунин доир ба масъалаҳои дигари рӯзномаи минтақавӣ ва байналмилалӣ мубодилаи афкор карданд.
Маликов М.