Дар Вазорати молияи Ҷумҳурии Тоҷикистон маросими баимзорасонии Созишномаи молиявӣ байни Ҷумҳурии Тоҷикистон ва Иттиҳоди Аврупо оид ба «Таҳсилот ва тайёрии техникӣ/касбӣ ва Барномаи дастгирии буҷети соҳаи шуғл» сурат гирифтааст.
Сомонаи расмии Вазорати молия хабар медиҳад, ки Созишномаи мазкурро Вазири молияи Ҷумҳурии Тоҷикистон – Қаҳҳорзода Файзиддин Саттор ва Роҳбари Намояндагӣ, Сафири Иттиҳоди Аврупо дар Ҷумҳурии Тоҷикистон – Раймундас Кароблис ба имзо расониданд.
Ба иттилои манбаъ, ҳадафи асосии Барномаи мазкур амалӣ намудани ислоҳот дар низоми идоракунии молияи давлатӣ, таъмини шаффофияти буҷетӣ ва буҷетикунонии барномавӣ, дастгирии низоми таҳсилоти техникӣ/касбӣ, бозори меҳнат, шуғли аҳолӣ ва муҳоҷиратро дар бар мегирад.
Гуфта мешавад, маблағи созишномаи болозикр 30,0 млн евроро ташкил намуда, пурра маблағҳои грантӣ мебошад.