Темур Раҳимов пас аз Чемпионати ҷаҳон Доҳа 2023 дар мавқеи аввали раддабандии ҷаҳонии ҷудо боқӣ монд

Федератсияи байналмилалии ҷудо (IJF) пас аз Чемпионати ҷаҳонии ҷудо дар Доҳаи Қатар, раддабандии ҷаҳонӣ ва олимпиро миёни ҷудокорон интишор кард.

Тибқи раддабандии нави (IJF), паҳлавони сангинвазни тоҷик – Темур Раҳимов дар вазни +100кг мавқеашро дар ҷои аввал нигоҳ дошт. Темур Раҳимов дар Чемпионати ҷаҳон дар Доҳа сазовори ҷои 5-ум гардид ва 720-имтиёз ба даст овард. Ҳамин тариқ шумораи умумии имтиёзҳои Темур ба 6050 расид.

Мавқеи Комроншоҳи Устопириён дар вазни (-90кг) дар ҷои 16, Сомон Маҳмадбеков дар вазни (-81кг) дар ҷои 32 тағйир наёфт. Ҷаҳонгир Маҷидов дар вазни (-90кг) 20-зина, Шаҳбоз Саидаброров дар вазни (-66кг) 15-зина, Шодмон Ризоев дар вазни (-81кг) 11-зина, Абубакри Акобир дар вазни (-100кг) 11-зина, Беҳрӯз Хоҷазода дар вазни (-73кг) 3-зина ва Эмомалӣ Нуралӣ дар вазни (-66кг) 2-зина боло рафтанд.

Дар раддабандии олимпӣ Темур Раҳимов дар ҷои дуюми вазни +100кг, Эмомалӣ Нуралӣ дар ҷои 11-уми вазни -66кг, Комроншоҳи Устопириён дар ҷои 22-юми вазни -90кг ва Сомон Маҳмадбеков дар ҷои 34-и вазни -81кг мавқеъ гирифтаанд.

                   Сорбон Амонуллозода