Дастаи мунтахаби ҷавонони Тоҷикистон (U-20) зери роҳбарии сармураббӣ Аҳлиддин Турдиев марҳилаи ниҳоии омодагиро ба мусобиқаи интихобии Ҷоми Осиё-2023, ки аз 14-ум то 18-уми сентябр дар Душанбе баргузор мешавад, оғоз кард.
Барои омодагӣ ҳайати тими мунтахаби ҷавонони Тоҷикистонро 25-бозингар, 3-дарвозабон, 8-ҳимоятгар, 11-нимҳимоятгар ва 3-ҳамлагар пур кардааст. Ба дархости ниҳоии дастаи ҷавонони кишвар барои ширкат дар марҳилаи интихобӣ 23-бозингар ворид карда мешавад.
Бояд қайд намуд, ки дар мусобиқаи интихобии Ҷоми Осиё-2023 мунтахаби ҷавонони Тоҷикистон (U-20) дар гурӯҳи “I” ҳунарнамоӣ мекунад. Рақибони дастаи то 20-солаи Тоҷикистон дар ин мусобиқа, тимҳои ҷавонони Сингапур (14-сентябр), Лубнон (16-сентябр) ва Камбоҷа (18-сентябр) ба ҳисоб меравад. Ҳамаи бозиҳо дар Варзишгоҳи марказии Душанбе баргузор мешаванд.
Ғолибони 10-гуруҳи интихобӣ ва панҷ дастаи беҳтарин, ки ҷойҳои дуюмро соҳиб мешаванд, ба марҳилаи ниҳоии Ҷоми Осиё-2023 миёни ҷавонон, ки аз 1-ум то 18-уми марти соли 2023 дар Ӯзбекистон баргузор мешавад, роҳ меёбанд.
Ҳайати тими мунтахаби ҷавонони Тоҷикистон (U-20):
Дарвозабонҳо: Сафармад Ғаффоров, Шаҳобиддин Маҳмудзода (“Динамо”, Душанбе), Суҳробхӯҷа Юсупов (“Хуҷанд”);
Ҳимоятгарон: Меҳрубон Каримов (“Динамо-Авто”, Молдова), Меҳрубони Абдурауф, Раҳматшо Раҳматзода, Фахриддин Аҳтамов, Шаҳриёри Иноятулло, Содиқ Қурбонов, Рӯзимуҳаммад Абдураҳмонов (ҳама аз “Динамо”-и Душанбе), Асадбек Зиёзода (“Истаравшан”);
Нимҳимоятгарон: Амадонӣ Камолов (“Паракуэллос Антамира”, Испания), Алиҷони Айнӣ (“Краснодар-2”, Русия), Хусрав Тоиров (“Атирау”, Қазоқистон), Кабир Салимшоев (“Динамо-Авто”, Молдова), Азизбек Ҳаитов, Бежан Нишонбойзода, Абдулло Шарифов, Меҳроб Асоев, Фатҳулло Олимзода (ҳама аз “Динамо”-и Душанбе), Ҳамза Аҳтамов (“Истаравшан»), Салам Ашӯрмамадов (бе бошгоҳ);
Ҳамлагарон: Абдулфаттоҳ Худойдодзода (“Динамо-Брест”, Беларус), Асадбек Ҷӯрабекзода “КМВА”), Сунатулло Азизов (“Динамо”, Душанбе).
Сармураббӣ – Аҳлиддин Турдиев.