Ҷоми Президенти Ҷумҳурии Тоҷикистон оид ба теннис маротибаи 12-ум баргузор мешавад

Рӯзҳои 1-6 август ба ифтихори 31-солагии Истиқлоли давлатии Ҷумҳурии Тоҷикистон дар шаҳри Душанбе мусобиқаи байналмилалии теннис миёни наврасон барои дарёфти Ҷоми Президенти Ҷумҳурии Тоҷикистон баргузор мегардад.

Соли 2021 Ҷоми Президенти Ҷумҳурии Тоҷикистон ба тақвими чорабиниҳои Федератсияи байналмилалии теннис ворид карда шуд. Ин аз он шаҳодат медиҳад, ки нуфузи мусобиқа дар арсаи байналмилалӣ баланд гардида, шумораи хоҳишмандон барои иштирок бештар шавад.

Дар 12-ум мусобиқаи байналмилалӣ оид ба теннис миёни наврасон барои дарёфти Ҷоми Президенти Ҷумҳурии Тоҷикистон варзишгарон аз кишварҳои Тоҷикистон, Ӯзбекистон, Қазоқистон, Россия, Туркия, Англия, Туркманистон, Ҳиндустон, Покистон, Шри-Ланка, ШМА, Олмон ва Исроил иштирок мекунанд.