Бошгоҳи “Истиқлол”-и шаҳри Душанбе дар бозии даври шашуми марҳилаи гурӯҳии Лигаи қаҳрамонҳои Осиё дар гурӯҳи “А”, бо дастаи “Шарҷа”-и Аморати Муттаҳидаи Араб вохӯрӣ анҷом дод. Дидори дастаҳо дар варзишгоҳи байналмилалӣ ба номи Шоҳ Фаҳди шаҳри Риёз баргузор гардида, бо натиҷаи 2:0 ба фоидаи бошгоҳи “Истиқлол” ба поён расид.
Аз ҳайати тими “Истиқлол” дар дақиқаи 14-ум Эрик Бокум ҳисоби бозиро кушод ва дар лаҳзаҳои охири рақобат, аниқтараш дар дақиқаи 90+1 Владислав Касминин ҳисоби бозиро 2:0 намуда, голи ғалабаовари “Истиқлол”-ро ба самар расонид.
“Истиқлол” дар гурӯҳи “А” бо касби 3-имтиёз дар ҷойи охирин қарор гирифта аз идомаи мусобиқа бенасиб монд.
Аз гурӯҳи “А” бошгоҳи “Ал-Ҳилол” ва “Ал-Райян” бо касби 13-имтиёзи роҳхати даври плей-оффро ба даст оварданд.
Лигаи қаҳрамонҳои КФО-2022
Гурӯҳи “А”
Даври 6-ум
“Истиқлол” (Тоҷикистон) – “Шарҷа” (АМА) – 2:0
Голҳо: Эрик Бокум, дақиқаи 14-ум (1:0). Владислав Касминин, дақиқаи 90+1 (2:0).
Сорбон Амонуллозода