Дар марҳилаи гурӯҳии Лигаи қаҳрамонҳои АФК-2022 дар гурӯҳи “А” бозиҳои даври дуввум баргузор гардид.
Дар даври дуюми мусобиқот “Истиқлол”-и шаҳри Душанбе аз бошгоҳи “Шарҷа”-и Амороти Муттаҳидаи Араб бо ҳисоби 1:2 шикаст хӯрд.
Аз ҳайати бошгоҳи “Истиқлол” голи ягонаро сарвони даста Манучеҳр Ҷалилов ба самар расонд. Дар вохӯрии дигар дастаи “Ал-Ҳилол”-и Арабистони Саудӣ бар тими “Ал-Райён”-и Қатар бо ҳисоби 3:0 зафар ёфт.
“Истиқлол” бозии навбатии худро дар сабқати бошгоҳҳои асосии Осиё рӯзи 15 апрел бо садрнишини гурӯҳ “Ал-Ҳилол” анҷом медиҳад.
Лигаи қаҳрамонҳои АФК-2022
Гурӯҳи “А”. Даври 2-юм
“Шарҷа” (АМА) – “Истиқлол” (Тоҷикистон) – 2:1
Голҳо: Манучеҳр Ҷалилов, 29 (0:1).
Кайо Лукас Фернандес, 54 (1:1).
Бернард Анисио, 57 (2:1).
Сорбон Амонуллозода,
Радиои “Тоҷикистон”