27-январ дар ҷаласаи Кумитаи иҷроияи Федератсияи футболи Тоҷикистон, ки дар меҳмонхонаи «Ҳаятт Реҷенси Душанбе» баргузор гардид, санаи баргузории Суперҷоми Тоҷикистон 2022-ро муайян намуданд.
Қаҳрамони феълии кишвар «Истиқлол» ва қаҳрамони Ҷоми Тоҷикистон «Хуҷанд» барои ба даст овардани Суперҷоми Тоҷикистон 2022 бо ҳам рақобат мекунанд. Дидори дастаҳо дар варзишгоҳи «ТАЛКО-Арена»-и шаҳри Турсунзода, рӯзи 8-май баргузор мешавад.
Лозим ба ёдоварист, ки «Истиқлол»-и шаҳри Душанбе 10-маротиба Суперҷоми Тоҷикистонро ба даст овардааст. Дастаи «Хуҷанд»-и шаҳри Хуҷанд то ҳол барои соҳиб шудани ин ҷоиза мубориза мебарад.
Натиҷаи ҳамаи бозиҳо барои Суперҷоми Тоҷикистон (2010-2021):
2010 – «Вахш» (Қӯрғонтеппа) — «Истиқлол» (Душанбе) — 0:2
2011 – «Истиқлол» (Душанбе) — «Регар-ТадАЗ» (Турсунзода) — 1:0
2012 – «Истиқлол» (Душанбе) — «Регар-ТадАЗ» (Турсунзода) — 2:1
2013 – «Равшан» (Кӯлоб) — «Регар-ТадАЗ» (Турсунзода) — 2:1
2014 – «Равшан» (Кӯлоб) — «Истиқлол» (Душанбе) — 0:5
2015 –»Истиқлол» (Душанбе) — «Хайр» (Ваҳдат) — 2:2 Аз рӯи зарбаҳои 11-метра 4:3.
2016 – «Истиқлол» (Душанбе) — «Хуҷанд» (Хуҷанд) — 3:2
2017 – «Истиқлол» (Душанбе) — «Ҳосилот» (Фархор) — 1:2
2018 – «Истиқлол» (Душанбе) — «Хуҷанд» (Хуҷанд) — 3:2
2019 – «Истиқлол» (Душанбе) — «Хуҷанд» (Хуҷанд) — 3:0
2020 – «Истиқлол» (Душанбе) — «Хуҷанд» (Хуҷанд) — 2:1
2021 – «Истиқлол» (Душанбе) — «Равшан» (Кӯлоб) — 2:0.
Сорбон Амонуллозода