Шаби гузашта бинобар бориши шадиди барф ва тармафароии зиёд ҳаракати тамоми намуди нақлиёт аз тариқи роҳи Душанбе-Чанок боздошта шуда буд. Дар айни замон тармаҳое, ки дар роҳи мазкур фаромада буданд, аз ҷониби кормандони филиали ширкат бартараф шуда, чанд лаҳза пеш ҳаракати нақлиёти сабукрав аз шаҳри Хуҷанд ҷониби шаҳри Душанбе оғоз гардид. Дар ин бора АМИТ «Ховар» хабар додааст.
Дар наздиктарин фурсат барои ҳаракат аз Душанбе ба самти Хуҷанд низ дар роҳи мошингарди Душанбе-Чанок иҷозат дода мешавад.
«Ба шаҳрвандон барои дарки моҳияти муваққатан қатъ гардидани ҳаракати воситаҳои нақлиёт арзи сипос менамоем»,-иброз доштааст роҳбарияти филиали ширкат.