Ба иттилои сомонаи вазорати корҳои хориҷӣ 9 декабри 2021 муовини вазири корҳои хориҷии Ҷумҳурии Тоҷикистон Содиқ Имомӣ муовини вазири корҳои хориҷии Ҷумҳурии Ӯзбекистон Фурқат Сидиқовро, ки ҷиҳати иштирок дар вохӯрии 11-уми солонаи муовинони вазирони корҳои хориҷии кишварҳои Осиёи Марказӣ дар Душанбе қарор дорад, ба ҳузур пазируфт.
Зимни мулоқот ҷонибҳо атрофи масъалаҳои мубрами ҳамкориҳои Тоҷикистону Ӯзбекистон дар заминаҳои сиёсӣ, тиҷоративу иқтисодӣ ва фарҳангию гуманитарӣ, инчунин шарикии ду кишвар дар чаҳорчӯби созмонҳои байналмилалӣ ва минтақавӣ табодули назар карданд.
Мулоқот дар руҳияи созандаи корӣ баргузор гардид.