Вазорати корҳои дохилӣ аз боздошти марде хабар медиҳад, ки дар қаллобӣ ба ҳаҷми махсусан калон гумонбар дониста мешавад.
Ба иттилои сомонаи ин вазорат, ба ШВКД-1 дар ноҳияи Фирдавсӣ бо ариза марди 32-солаи сокини ҷамоати деҳоти Чимтеппаи ноҳияи Рӯдакӣ муроҷиат намудааст, ки моҳи майи соли 2021, дар ҳудуди ҷамоати деҳоти Чимтеппа марди 31-солаи сокини ҷамоати деҳоти Россияи ҳамин ноҳия бо роҳи фиреб ба бовариаш даромада, аз ӯ барои тиҷорат 275 ҳазор сомонӣ, баъдан, 3-адад автомашинаи тамғаҳои “Опел-Зефира”, “Опел-Астра” ва “Опел-Вектра”-ро ба маблағи 230 ҳазор сомонӣ нархгузорӣ карда гирифтааст. Баъдан автомашинаҳоро фурӯхта, маблағҳоро ба манфиати шахсиаш сарф намудааст.
Зарари расонидашуда 505 ҳазор сомониро ташкил дода, аз рӯи ҳодисаи мазкур тафтишот идома дорад.