Дар бозии дуюми даври ниманиҳоии ҷоми ЕВРО – 2024 дастаи мунтахаби Англия дар варзишгоҳи “Сигнал идуна Парк”-и шаҳри Дортмунд бо Нидерландия вохӯрӣ анҷом дода, бо ҳисоби 2 бар 1 пирӯз гардид ва маротибаи дуюм пайиҳам ба финали мусобиқот роҳ ёфт.
Дар ин додор голҳои англисҳоро Ҳари Кейн аз пеналтӣ ва Олли Уоткинс ба самар расониданд. Муаллифи ягона голи ҳоландиҳо Хави Симонс гардид.
Дастаи мунтахаби Испания ҳам бо шикаст додани Фаронса бо ҳисоби 2 бар 1 ба даври ниҳоии ЕВРО баромад.
Ҳамакнун дастаҳои мунтахаби Испания ва Англия санаи 14-уми июл, дар варзишгоҳи “Олимпӣ”-и шаҳри Берлин барои ба даст овардани Ҷоми мусобиқа байни ҳам талош мекунанд.
Рустами Зоир,
радиои “Тоҷикистон”