22 октябри соли 2023 равон Сафири Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ бо Муҷтабо Акбарӣ, раиси Маркази байналмилалии Вазорати неруи Ҷумҳурии Исломии Эрон, роҳбари бахши эронии Кумитаи пайгирии иҷрои муқаррароти Протоколи ҷаласаи 15-уми Комиссияи муштараки ҳамкориҳои тиҷоратӣ, иқтисодӣ, техникӣ ва фарҳангии Тоҷикистону Эрон мулоқот намудааст.
Ба иттилои сомонаи Вазорати корҳои хориҷии Ҷумҳурии Тоҷикистон зимни вохӯрӣ масъалаи рафти иҷрои бандҳои Протоколи ҷаласаи 15-уми Комиссияи муштараки ҳамкориҳои тиҷоратӣ, иқтисодӣ, техникӣ ва фарҳангии Тоҷикистону Эрон ва баргузории ҷаласаи навбатии 16-уми Комиссияи мазкур баррасӣ гардиданд.