Федератсияи футболи Тоҷикистон ва Ассотсиатсияи футболи Сингапур барои баргузории бозии дӯстона миёни тимҳои миллии ин ду кишвар ба мувофиқа расиданд.
Бозии дӯстона миёни тимҳои миллии Сингапуру Тоҷикистон рӯзи 8-сентябр дар Сингапур баргузор мешавад.
Қаблан дар сатҳи тимҳои миллӣ дастаҳои Сингапур ва Тоҷикистон се бозӣ анҷом додаанд. Мунтахаби Тоҷикистон дар мусобиқаи интихобии Ҷоми Осиё-2023 (1:0) пирӯз шуда, мунтахаби Сингапур (2:0) – дар мусобиқаи интихобии Ҷоми ҷаҳон-2010 ғолиб гардидааст. Як рақобати дигари дастаҳо дар марҳилаи интихобии Ҷоми ҷаҳон-2010 мусовӣ (1:1) анҷом ёфтааст.