Ситоди мураббиёни тими мунтахаби футболи Тоҷикистон зери роҳбарии мутахассиси хорватӣ Петр Сегрт ҳайати тими миллиро ҷиҳати иштирок дар мусобиқаи «CAFA Nations Cup 2023» эълон кард. Мусобиқаи «CAFA Nations Cup 2023» аз 10-ум то 20-уми июн таҳти сарпарастии Ассотсиатсияи футболи Осиёи Марказӣ баргузор мешавад.
Ба ҳайати тими мунтахаби Тоҷикистон барои омодагӣ ва иштирок дар Ҷоми миллатҳои Ассотсиатсияи футболи Осиёи Марказӣ 26-бозингар шомил гардидааст, ки аз миён 3-дарвозабон 10-ҳимоятгар, 9-нимҳимоятгар ва 4-ҳамлагар ба ҳисоб мераванд.
Мунтахаби Тоҷикистон рӯзи 29-май дар шаҳри Душанбе омодагиро ба мусобиқаи «CAFA Nations Cup 2023» оғоз намуда, рӯзи 31-май ба шаҳри Тошканд сафар карда, ҷамъомади тамринӣ мегузаронад.
Бояд гуфт, ки дар Ҷоми миллатҳои Ассотсиатсияи футболи Осиёи Марказӣ тими миллии Тоҷикистон дар гурӯҳи «А» бо дастаҳои Туркманистон (11-июн), Уммон (14-июн) ва Ӯзбекистон (17-июн) рақобат мекунад.
Ҳайати тими миллии Тоҷикистон барои мусобиқаи «CAFA Nations Cup 2023»:
Дарвозабонҳо: Рустам Ятимов, Муҳриддин Ҳасанов (ҳарду аз «Истиқлол»), Шоҳрух Қирғизбоев («Хуҷанд»);
Ҳимоятгарон: Ваҳдат Ҳанонов («Персеполис», Эрон), Аҳтам Назаров («Андиҷон», Ӯзбекистон), Зоир Ҷӯрабоев («Нефтчӣ», Ӯзбекистон), Манучеҳр Сафаров («Локомотив», Ӯзбекистон), Меҳрубон Каримов («Самгурали», Гурҷистон), Сиёвуш Асроров, Табрез Исломов, Далер Имомназаров, Содиқҷон Қурбонов (ҳама аз «Истиқлол»), Холмурод Назаров («Равшан»);
Нимҳимоятгарон: Парвизҷон Умарбоев (ССКА-1948, Булғористон), Амирбек Ҷӯрабоев («Кедах», Малайзия), Муҳаммадҷон Раҳимов («Насаф», Ӯзбекистон), Комрон Турсунов («ТРАУ», Ҳиндустон), Хусрав Тоиров («Шахтёр», Украина), Муродалӣ Акназаров («Анталяспор», Туркия), Алишер Ҷалилов, Эҳсони Панҷшанбе, Алиҷони Айнӣ (ҳама аз «Истиқлол»);
Ҳамлагарон: Манучеҳр Ҷалилов, Шервонӣ Мабатшоев (ҳарду аз «Истиқлол»), Нуриддин Ҳамроқулов («Регар-ТадАЗ»), Муҳаммадалӣ Азизбоев («Ҳосилот»).
Сармураббӣ – Петр Сегрт (Хорватия).