Иштирокчии чоруми марҳилаи гурӯҳии Лигаи қаҳрамонҳои Осиё дар гурӯҳи “А”, ки “Истиқлол”-и Душанбе дар ин гурӯҳ ҳунарнамоӣ мекунад, маълум гардид.
Пас аз ба анҷом расидани бозии ҷамбастии даври плей-офф байни дастаҳои “Шарҷа” (АМА) ва “Ал-Завра” (Ироқ) иштирокчии чоруми марҳилаи гурӯҳии Лигаи қаҳрамонҳои Осиё дар гурӯҳи “А” муайян гардид. “Шарҷа” рақибро дар силсилазарбаҳои ҷаримавӣ (пеналтӣ) бо ҳисоби 6:5 шикаст дод. Бошгоҳи “Шарҷа” (АМА) дар гурӯҳи “А” бо дастаҳои “Ал-Ҳилол” (Арабистони Саудӣ), “Ал-Райян” (Қатар) ва “Истиқлол” (Тоҷикистон), ҳунарнамоӣ мекунад.
Марҳилаи гурӯҳии Лигаи қаҳрамонҳои Осиё дар гурӯҳи “А” бо ширкати қаҳрамони Тоҷикистон “Истиқлол”-и Душанбе аз 8-ум то 27-уми апрел дар шаҳри Риёзи Арабистони Саудӣ баргузор мешавад.
Сорбон Амонуллозода
Радиои “Тоҷикистон”