Имрӯз 2 феврали соли 2021, сешанбе мебошад.
Обу ҳаво
Имрӯз ҳарорати ҳаво дар шаҳри Бохтар шабона 3+5° гарм, рӯзона 15+17° гарм мешавад. Дар вилояти Хатлон ҳавои тағйирёбанда, шабона асосан бебориш дар назар буда, рӯзона дар ноҳияҳои алоҳида боришоти сусти борон борида, дар водиҳо шабона 2+7° гарм, рӯзона 12+17° гарм, дар ноҳияҳои доманакӯҳӣ шабона -1+4°, рӯзона 8+13° гарм мешавад.
Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки ҳаво дар шаҳри Хоруғ шабона 11-13° хунук, рӯзона 1-3° хунук мешавад. Дар ВМКБ Ҳавои тағйирёбандаи бебориш шуда, дар ғарби вилоят шабона 4-9° хунук, дар баъзе ноҳияҳо то 12-17 хунук, рӯзона 1-6° хунук, дар шарқи вилоят шабона 20-25° хунук, дар баъзе ноҳияҳо то 28-33° хунук, (дар мавзеи Булункӯл то 38-40 хунук), рӯзона 6-11° хунук, дар баъзе ноҳияҳо то 14-19° хунук мешавад.
Имрӯз дар шаҳри Хуҷанд тормеғ (туман)-и тунук мефарояд. Ҳарорати ҳаво шабона 1+3° гарм, рӯзона 11+13° гарм мешавад. Дар вилояти Суғд ҳавои тағйирёбанда, асосан бебориш буда ҳарорати ҳаво дар водиҳо шабона 0+5° гарм, рӯзона 9+14° гарм дар ноҳияҳои кӯҳӣ шабона 3-8° хунук, рӯзона -1+4° мешавад.
2 феврал дар шаҳри Душанбе ҳарорати ҳаво шабона 1+3° гарм, рӯзона 13+15° гарм мешавад. Дар НТҶ ҳавои тағйирёбанда, асосан бебориш дар назар буда, дар водиҳо шабона 0+5° гарм, рӯзона 11+16° гарм дар ноҳияҳои кӯҳӣ шабона аз 0-5 хунук то 8-13° хунук, рӯзона 1+6° гарм, дар баъзе ноҳияҳо 0-5 хунук мешавад.
Қурби асъор
Имрӯз 1 доллари ИМА ба 11,3000 сомонӣ, 1 увро ба 13,6594 сомонӣ ва 1 рубли русӣ ба 0,1485 сомонӣ баробар аст.
Хотирасон мекунем, ки қурб бидуни ӯҳдадории Бонки миллии Тоҷикистон дар хусуси харидорӣ ё фурӯши асъорҳои нишондодашуда бо ин нарх муқаррар шудааст. Қурби мазкур барои бонкҳои ваколатдор дар муайянкунии қурби хариди асъори хориҷӣ аз мизоҷонаш асос шуда наметавонад.
Тақвими рӯз
2 феврал Прокуратураи генералии Ҷумҳурии Тоҷикистон, Кумитаи рушди маҳали назди Президенти Ҷумҳурии Тоҷикистон, Кумитаи ҳифзи муҳити зисти назди Ҳукумати Ҷумҳурии Тоҷикистон, Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон оид ба ҷамъбасти соли 2020 нишасти матбуотӣ доир менамоянд.
Нишасти матбуотии Кумитаи рушди маҳал соати 09:00 дар Кумитаи рушди маҳал, Хадамоти назорати давлатии бехатарии корҳо дар саноат ва соҳаи кӯҳкорӣ соати 09:00 дар бинои Хадамоти мазкур нишаст мегузаронанд.
Прокуратураи генералӣ нишасти матбуотиро соати 10:00 дар Прокуратураи генералӣ барпо менамояд.
Нишасти матбуотии Кумитаи ҳифзи муҳити зист соати 11:00 дар маҷлисгоҳи Кумитаи мазкур доир мешавад.
Ҳамин рӯзи соли 1924 Федератсияи байналмилалии варзиши лижаронӣ таъсис дода шуд.
2 феврали соли 1992 миёни Ҷумҳурии Тоҷикистон ва Япония муносибатҳои дипломатӣ барқарор карда шуданд. Сафорати Ҷумҳурии Тоҷикистон дар Япония 28 ноябри 2007 ифтитоҳ ёфтааст ва Сафорати Япония дар Ҷумҳурии Тоҷикистон 26 январи 2002 кушода шуд. Дар давраи муносибатҳои дипломатӣ байни ду кишвар барои таъмини минбаъдаи ҳамкориҳои амалӣ заминаи хубе бунёд гардидааст ва аз ҳама муҳим – сатҳи баланди мушорикат, эътимоди тарафайн ва эҳтиром ба даст омадааст.
Соли 1970 дар Мюнхен аввалин маротиба чарроҳии аз як нафар ба нафари дигар гузаронидани асабҳо гузаронида шуд.
Имрӯз Рӯзи паҳн намудани иттилоот дар бораи артрити ревматоидӣ ва дар Озарбойҷон Рӯзи ҷавонон таҷлил карда мешавад.