Аз 14 то 16 августи соли равон дар шаҳри Душанбе, чорабинии муҳиме барои пешсафони ҷавони ду кишвар – Форуми ҷавонони Тоҷикистон ва Қазоқистон баргузор мегардад. Ин чорабинӣ аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон ташкил карда шудааст ва барои мустаҳкам кардани ҳамкорӣ, мубодилаи афкор ва таҷрибаи байни фаъолони ҷавон, инчунин баррасии масъалаҳои калидии сиёсати ҷавонон нигаронида шудааст.
Ҳадафҳои асосӣ ва вазифаҳои форум:
1. Мустаҳкам кардани ҳамкориҳо байни ташкилотҳои ҷавонони Тоҷикистон ва Қазоқистон.
2. Рушди сиёсати ҷавонон ва таҳияи стратегияҳои муштарак барои ҳалли мушкилоти мубрами ҷавонони ду кишвар.
3. Дастгирии ташаббусҳои ихтиёрӣ ва соҳибкории ҷавонон.
4. Эҷоди платформа барои мубодилаи таҷриба ва амалисозии лоиҳаҳои муштарак.
Сатторов Некрӯз