Дар рӯзи ҳафтуми Бозиҳои тобистонаи олимпии Париж-2024 кишвари маҳбуби мо Тоҷикистонро паҳлавони умедбахш Темур Раҳимов аз риштаи ҷудо зери вазни ҷамъи 100 кг муаррифӣ карда истодааст.
Паҳлавони сангинвазни тоҷик Темур Раҳимов дар даври аввали Бозиҳои олимпӣ озод буд ва дар даври дуюм бо Эрик Абрамови 25 сола аз Олмон гӯштин гирифт. Дар оғози рақобат Абрамов имтиёзи вазарӣ кор кард. Дар идома паҳлавони мо тавонист, ки дар як фурсати муносиб рақибаш Эрик Абрамови олмониро дар ҳолати буғи кардан нигоҳ дорад ва пирӯзиро соҳиб шавад.
Дар даври чаҳорякниҳоӣ Темур Раҳимов бо паҳлавони ӯзбек Алишер Юсупов гӯштин мегирад. Алишер Юсупов дар даври аввал озод буда, дар даври дуюм Мариус Физели словакиро шикаст дод.
Ёдовар мешавем, ки моҳи майи имсол дар Қаҳрамонии ҷудои ҷаҳон дар АМА паҳлавони мо Темур Раҳимов аз Алишер Юсупови ӯзбек мағлуб шуда, ба даври тасаллобахш рафта буд.Онҷо Юсупов бори аввал муқобили Темур ғалаба ба даст овард.
Охирон маротиба Темур муқобили Алишер моҳи ноябри соли 2022 дар финали мусобиқаи «Baku Grand Slam 2022» Алишер Юсуповро бо имтиёзи иппон мағлуб карда, аввалин нишони тиллоро дар таърихи ҷудои меҳан дар мусобиқаҳои Гранд Слам ба даст оварда буд.
Манбаъ: www.varzishtv.tj