Сафири тоҷик бо роҳбарияти Бунёди Қатар барои рушд мулоқот намуд

25 январи соли 2023 мулоқоти кории Сафири Ҷумҳурии Тоҷикистон дар Давлати Қатар Хисрав Соҳибзода бо Мудири иҷроияи Бунёди Қатар барои рушд ҷаноби Халифа бин Ҷосим ал-Куворӣ баргузор гардид.

Тавре Сафорати Ҷумҳурии Тоҷикистон дар Давлати Қатар иттилоъ медиҳад, дар рафти суҳбат атрофи самтҳои афзалиятноки ҳамкории дуҷониба дар соҳаи рушди устувор табодули назар сурат гирифт. Дар ин замина роҳҳои татбиқи минбаъдаи лоиҳаҳои иҷтимоию иқтисодӣ дар Тоҷикистон, ки аз аҳамияти миллию байналмилалӣ бархурдоранд, мавриди баррасӣ қарор гирифтанд.