Дирӯз 31-август бозии мавқуфмондаи даври 3-юми Чемпионати Тоҷикистон миёни дастаҳои “Истиқлол”-и шаҳри Душанбе ва “Истаравшан”-и шаҳри Истаравшан баргузор гардид. Дидори дастаҳо дар варзишгоҳи марказии шаҳри Душанбе сурат гирифта, бо ҳисоби 3:0 ба фоидаи мизбонон хотима ёфт. Голҳоро аз ҳайати бошгоҳи “Истиқлол” Шервони Мабатшоев ба самар расонида, ба номаш хет-трик кард.
Баъд аз ин пирӯзи қаҳрамони бисёркаратаи Тоҷикистон дастаи “Истиқлол”-и шаҳри Душанбе ба садри ҷадвали мусобиқоти лигаи олӣ баромад. Ҳамакнун “Истиқлол” пас аз 11-бозии анҷомдодааш 24-имтиёз ба даст оварда, садрнишини ҷадвал гардид. Дар даври ояндаи чемпионати мамлакат “Истиқлол” дар сафар бо дастаи “Файзканд” дидор анҷом медиҳад. Рақобат миёни ин дастаҳо санаи 4-сентябр дар варзишгоҳи “Нефтяник”-и ноҳияи Рудакӣ доир мегардад.
Чемпионати Тоҷикистон
Бозии даври 3-юм
“Истиқлол” – “Истаравшан” — 3:0
Голҳо: Шервони Мабатшоев, 48 (1:0). Шервони Мабатшоев, 62 (2:0). Шервони Мабатшоев, 90+3 (3:0).