Дар бозии даври ниҳоии марҳилаи гурӯҳии Ҷоми AFC-2022 дар гурӯҳи “Е” барандаи медали биринҷии чемпионати Тоҷикистон “КМВА” бо барандаи Ҷоми Қирғизистон “Нефтчӣ” бозии мусовӣ (0:0) анҷом доданд.
Қаблан дастаи артиш бо “Алтин Асир”-и Туркманистон мусовӣ (1:1) карда, аз “Суғдиёна”-и Ӯзбекистон бо ҳисоби (2:3) шикаст хӯрда буд. “КМВА” (Душанбе) баъди се бозӣ 2 имтиёз ба даст оварда, дар гурӯҳ ҷойи сеюмро соҳиб шуд.
Ғолиби чаҳоргонаи “Е” дар Душанбе дастаи “Суғдиёна”-и Ҷиззах, ки дар се бозӣ се пирӯзӣ ба даст овард, дар даври ниҳоӣ бар “Алтин Асир” бо ҳисоби 3:1 пирӯз гардид.
Ҷоми AFC-2022
Гурӯҳи “Е”
Даври 3-юм
“КМВА” (Тоҷикистон) — “Нефтчӣ” (Қирғизистон) — 0:0
И В Н П М О
1. Суғдиёна (Ӯзбекистон) 3 3 0 0 8-3 9
2. “Алтин Асир” (Туркманистон) 3 1 1 1 3-4 4
3. “КМВА” (Тоҷикистон) 3 0 2 1 3-4 2
4. “Нефтчӣ”(Қирғизистон) 3 0 1 2 0-3 1
Сорбон Амонуллозода,
радиои “Тоҷикистон”