Тибқи маълумоти вазорати кишоварзии ҶТ то моҳи октябри соли равон дар майдони 41238 гектар сабзавот кишт шудааст. Аз майдони 40330 гектар 1281738 тонна ҳосил ҷамъоварӣ гардид, ки ҳосилнокӣ аз ҳар гектар ба 318 сентнер баробар гашт.
Аз ҳосили ҷамъоваришуда пиёз 617748 тонна, карам 47222, помидор 243438, бодиринг 116182, сабзӣ 129374 ва дигар сабзавотҳо 127774 тоннаро ташкил медиҳад. Дар майдони умумии 33523 гектар картошка кишт шудааст. Майдони ҷамъоваригашта 27394 гектар буда, аз он 632566 тонна картошка рӯёнда шуд, ки ҳосилнокӣ аз ҳар гектар ба 231 сентнер расид.
Ба иттилои масъулин дар хоҷагиҳои деҳқонии кишвар дар майдони 19513 гектар полизӣ кишт шуд. Дар ин давра аз майдони 19513 гектар 634872 тонна полизӣ ҷамъоварӣ гардид, ки ҳосилнокӣ аз ҳар гектар 325 сентнерро ташкил медиҳад.