Кишварҳои минтақа дар замони душвори рақобати афзояндаи геополитикӣ, сиёсатҳои таҳримотӣ ва бархурдҳои тиҷоратӣ зиндагӣ доранд – гуфт вазири рушди иқтисод ва савдои Тоҷикистон Завқӣ Завқизода дар Форуми иқтисодии кишварҳои Осиёи марказӣ.
Гуфта шуд, ки дар ин ҳолат танҳо бо талошҳои муштарак кишварҳо метавонанд бо чолишҳо ва фишорҳои афзоянда ба минтақа муқовимат кунанд.
Вазири иқтисод таъкид кард, ки кишварҳои Осиёи Марказӣ барои рушду пешрафт аз имкониятҳои зиёде бархурдоранд.
Вай илова кард, ки дар ҳоли ҳозир шарикони асосии тиҷоратии Тоҷикистон кишварҳои Осиёи Марказӣ, бахусус Қазоқистон, Ӯзбекистон ва Туркманистон мебошад.
Парвина Самандарзода,
радиои “Тоҷикистон”