Дар доираи омодагиҳо ба бозиҳои марҳилаи интихобии Ҷоми ҷаҳон-2026 мунтахаби Тоҷикистон моҳи октябр дар мусобиқаи байналмилалии «Ҷоми Мердека», ки дар Малайзия баргузор мешавад, иштирок менамояд.
Дар марҳилаи ниманиҳоии «Ҷоми Мердека» дастаи мунтахаби Тоҷикистон рӯзи 13-октябр бо тими Фаластин бозӣ мекунад. Дар вохӯрии дигари даври 1/2 ниҳоӣ дастаҳои Малайзия ва Ҳиндустон бо ҳам вомехӯранд.
Ғолибони даври ниманиҳоӣ рӯзи 17-октябр дар бозии финалӣ ва дастаҳои мағлубшуда барои медалҳои биринҷӣ мубориза мебаранд.
Ҳамаи бозиҳои ин мусобиқа дар Варзишгоҳи миллии Букит Ҷалили Куала-Лумпур доир мешаванд.