СММ ҳушдор додааст, ки бе ёрии таъҷилии башардӯстона, сокинони Судон, Фаластин, Судони Ҷанубӣ, Ҳаити ва Малӣ ба гуруснагии оммавӣ ва талафоти ҷонӣ дучор мешаванд.
Сабабҳо низоъҳои мусаллаҳона, бӯҳронҳои иқтисодӣ, офатҳои табиӣ ва набудани дастгирии байналмилалӣ мебошанд. Дар Навори Ғазза беш аз 2 миллион нафар дар остонаи гуруснагӣ қарор доранд, дар Судон 25 миллион нафар дар хатари камбуди ғизо қарор доранд. Яман, Ҷумҳурии Демократии Конго, Мянма ва Нигерия низ минтақаҳои дорои хатари баланд маҳсуб мешаванд. СММ даъват мекунад, ки барои наҷоти ҷони одамон чораҳои фаврӣ андешида шавад.