Футболбозони навраси то 17-солаиТоҷикистон дар Ҷоми Осиё — 2025 миёни бозингарони 17 — сола, ки аз 3-юм то 20-уми апрел дар Арабистони Саудӣ баргузор мешавад, иштирок мекунанд.
Тавре аз Федератсияи футболи кишвар хабар доданд, ҳайати мунтахаби наврасони Тоҷикистон барои мусобиқаи мазкур маълум гардидааст. Сармураббии мунтахаб Марко Раҷинӣ ба ҳайат дар умум 23 бозингар даъват кардааст.
Ҳайати мунтахаби Тоҷикистон — U17 барои Ҷоми Осиё — 2025 чунин аст:
Дарвозабонҳо: Муҳаммад Раҳмонов,Анушервон Қурбонзода ва Абубакр Раҳмонқулов.
Дифоъгарон: Абусамад Меликмуродов, Садриддин Сатторов, Меҳроҷиддин Розиқов, Мустафо Ҳасанбекова, Аҳмадҷон Шоев, Шуҳрат Нурматов ва Мубориз Мискиншоев.
Нимҳимоятгарон: Баҳодур Назарзода, Абдулло Ибрагимзода, Рамазон Бахталиев, Зариф Зарифзода, Парвиз Бобоназаров, Умед Ҷафоев, Фурқон Раҳимзода, Ҳайдаршо Худойдодов, Меҳрубон Одилзода ва Давид Мақсудов.
Ҳамлагарон: Муҳаммад Назриев, Абуқаюм Фузайлов ва Нарзулло Ашурализода.
Ёдовар мешавем, ки мунтахаби наврасони Тоҷикистон шомили гурӯҳи «D» буда, рақибонаш тимҳои Уммон, Кореяи Шимолӣ ва Эрон ҳастанд. Тоҷикистон дар даври аввал бо Уммон санаи 5-ум бозӣ карда, дар даври дуюм рӯзи 8-ум бо Кореяи Шимолӣ вохӯрӣ анҷом медиҳад. Эрон охирин ҳарифи шогирдони Раҷинӣ дар даври гурӯҳӣ хоҳад буд, ки санаи 11-уми апрел ин бозӣ доир мегардад.
Рустам Зоирзода
радиои «Тоҷикистон»