Имрӯз дар Китобхонаи давлатии бачагонаи ҷумҳуриявии ба номи Мирсаид Миршакар Ҳафтаи китоби кӯдакону наврасони Тоҷикистон оғоз гардид. Дар маросими кушодашавии Ҳафтаи китоби кӯдакону наврасони Тоҷикистон» намояндагони Вазорати фарҳанг, Вазорати маориф ва илми кишвар, шоирону нависандагон ва кӯдакону наврасон иштирок намуданд.
Пеш аз оғози чорабинӣ дар саҳни китобхона намоиш ва фурӯши китобу рӯзнома ва маҷаллаҳои тозанашр доир гардид. Инчунин дар идомаи порчаҳо аз намоишномаи Сирки давлатии Тоҷикистон манзур карда шуд.
Дар доираи чорабинӣ кӯдакону наврасон суруду шеҳрҳо дар бораи Ватану сулҳ хонданд. Инчунин аз ҷониби онҳо рақсҳои зебо пешниҳод гардид, ки писанди ҳамагон шуд.
Бояд гуфт, ки Ҳафтаи китоби кӯдакону наврасони Тоҷикистон» то 9 апрели соли равон идома мекунад.
Сарвинози Сайидалӣ,
радиои «Тоҷикистон»